ޕަބްލިކް ހެލްތު މަސައްކަތް ރޭވިފައިވާ ގޮތް

ރަށުގެ އާއްމުރައްޔިތުންގެ މެދުގައި ޞިއްޙީ ހޭލުންތެރިކަން އިތުރުކުރުމުގޮތުން މަސައްކަތްތައް ކުރުމުގައި އިސްރޯލެއް އަދާކުރަނީ މިމަރުކަޒުގެ އާއިލާގެ އެހީތެރިންނެވެ. މީހުންނަށް މަޢުލޫމާތު ދިނުމުގައި ގޭގެއަށް ގޮސްގެން މަޢުލޫމާތު ދިނުމާއި، ހިންގޭތަފާތު ޕްރޮގަރާމްތައް ހިންގުމާއި ފާހަގަ ކުރަންޖެހޭ ދުވަސްތައް ފާހަގަ ކުރުމާއި ރޯގާ ބަލިމަޑުކަން ކޮންޓްރޯލް ކުރުމުގެ މަސައްކަތްތައް އަމަލީގޮތުން ކުރަމުންގެން ގޮސްފައިވެއެވެ. މިއަހަރުގައި އާއިލާގެ އެހިތެރިން ގިނަ ހޯމް ވިސިޓް ތަކެއްވަނީ ކޮށްފައިވެއެވެ. ވިސިޓްގައި އަމިއްލަ ސާފުތާހިރުކަމާއި ރޯގާބަލިމަޑުކަމުން ރައްކާތެރި ވުމަށާއި އަދިވެސް ޞިއްޙީ ރަގަޅު އާދަތަކަށް އަހުލުވެރި ކުރުވުމުގެ ގޮތުން އިރުޝާދާއި ނަސޭހަތް ދެވިފައިވެއެވެ. އަދި މިއަހަރުގައި އާއްމުން ހޭލުންތެރިކުރުމުގެ ގޮތުން 59 ޕްރޮގްރާމް ހިންގިފައިވެއެވެ.

ހެލްތް އެޑިއުކޭޝަން ޕޮރުގްރާމަށް ބަލާއިރު އާއްމުކޮށް ސިއްހީގޮތުން ފާހަގަކުރަން ހަމަޖެހިފައިވާ ކޮންމެ ދުވަހަކަށް ހާއްސަކޮށްގެން ދުވަހާއި ގުޅޭގޮތުން ގްރޫޕަކަށް މަޢުލޫމާތު ދެމުންގެންދެއެވެ. މިކަމުގައި ޑޮކްޓަރައި، ނަރުހުންނާއި، ކޮމިއުނިޓީ ހެލްތް އޮފިސަރާއި، ފެމެލީ ހެލްތު އޮފިސަރުންގެ އެހީތެރިކަން ހޯދައިގެން ކުރިއަށްގެންގޮސްފައި ވާކަން ފާހަގަ ކޮށްލަމެވެ. އއ. އަތޮޅުގެ އެހެނިހެން އެއްވެސް ރަށަކުން ކުރިޔަށްނުގެންދާހާ ގިނަގުނަ އާއްމު ހޭލުންތެރިކަން އިތުރުކުރުމުގެ ގިނަގުނަ ޕްރޮގްރާމުތައް ޞިއްޙީ މަރުކަޒުގެ ސްޓާފުންގެ އަމިއްލަ ޚަރަދުގަޔާއި، އެހެނިގެން އެހީދޭ އަމިއްލަ ފަރާތްތަކުގެ ހިލޭ އެހީގައި ކުރިޔަށްގެންދިވިފައިވެއެވެ. އެގޮތުން މަދިރިކޮންޓްރޯލްކުރުމާއި، ރަށުތެރެ ސާފުކުރުމުގެ ބޮޑެތި ޕްރޮގްރާމްތައް މަރުކަޒުން އިސްނަގައިގެން ރަށުގެ ސަރުކާރުގެ މުވައްސަސާތަކާއި، މަދަނީ ޖަމިއްޔާތަކާއި، އާއްމުރައްޔިތުންގެ އެހީތެރިކަމާއެކު ކުރިޔަށްގެންދެވިފައިވެއެވެ.