ލިބޭ ޚިދުމަތްތައް

މިމަރުކަޒުގެ މައިގަނޑު މަސައްކަތްތަކުގެތެރޭގައި، އޯ.ޕީ.ޑީ ޚިދުމަތާއި، އެޑްމިޓް ކުރަންޖެހޭ މީހުންނަށް ބޭނުންވާ ފަރުވާ ކަމަށްވާ އައި.ޕީ.ޑީގެ ޚިދުމަތް ދިނުމާއި، ނާރސިން ކެއަރގެ ދަށުންދެވޭ ޚިދުމަތްތައް ދިނުމާއި، އާއްމު ޞިއްޙަތު ކުރިއަރުވައި، ރޯގާއާއި ބަލިމަޑުކަން ފެތުރުނަ ނުދިނުމަށް އަޅަންޖެހޭ ފިޔަވަޅުތައް އަޅައި، ރޯގާ ކޮންޓްރޯލް ކުރުމާއި، މައިންނާއި ޅަދަރިންގެ ޞިއްޙަތާއި ވެކްސިނޭޝަން އަދި މަދިރި ކޮންޓްރޯލްކުރުމުގެ ޕްރޮގްރާމްތައް ހިންގުމާއި، ގޭގެއަށް ޒިޔާރަތްކޮށް ޞިއްޙީމަޢުލޫމާތުދީ ޢާއްމު ހޭލުންތެރިކަން އިތުރުކުރުންފަދަ މަސައްކަތްތައް ހިމެނެއެވެ. އަދި މީގެ އިތުރުން ތަނުގެ ފެންވަރު ރަނގަޅުކޮށް، ޚިދުމަތް ހަރުދަނާކުރުމަށް އިދާރީ ގޮތުން ބަލަހައްޓަންޖެހޭ ލިޔެކިއުންތަކާއި، މުވައްޒަފުންގެ ކުރިއެރުމަށް ކުރަންޖެހޭ ކަންކަން ކުރުމާއި، ތަނުގެ ޚަރަދުތައް ބެލެހެއްޓުމާގުޅޭ ފައިސާގެ އެއްމެހާ ކަންކަން ކުރިޔަށްގެންދިއުން ހިމެނެއެވެ. މީގެ އިތުރުން އިޖުތިމާޢީ ޞިއްޙީ ދުޅަހެޔޮކަން އިތުރުކޮށް، ޞިއްޙީ އާދަތަކަށް މުޖުތަމައު ހާނުވައި، ޞިއްޙީ މަރުކަޒަށް ޚިދުމަތް ލިބިގަންނަ ފަރާތްތަކަށް ޞިއްޙީގޮތުން ބޭނުންވާ އެކިއެކި ފަރުވާއާއި، ލަފަޔާއި، އެހީތެރިކަން ދިނުމަކީ މިމަރުކަޒު އުފެއްދި މައިގަނޑު ބޭނުންކަމުގައި ދެކެމެވެ. މީގެ އިތުރުން މިމަރުކަޒުގެ މެންޑޭޓަށް އެއްވެސް ބަދަލެއް އައިސްފައެއް ނުވެއެވެ.